विदेशी नागरिक वेपत्ता भएकोमा प्रहरीबाट खोजी

नेपाल घुम्न आएका परेतक बेपत्ता भएका छन । मकालु हिमाल आरोहणको क्रममा वेपत्ता भएका ग्रीस नागरिक ४२ वर्षीय जाहारिस किरिकाकिसको प्रहरीले खोजी सुरु गरेको छ । गत चैत २५ गते नेदरल्याण्डका नागरिक अरनोल्ड कोस्टर र गाईड सोलु जिल्ला तामाखानी–९ बस्ने ४० वर्षीय दावा शेर्पाले संखुवासभास्थित मकालु हिमाल आरोहरण गर्न ७ जना बिदेशी नागरिक लिई गएकोमा जेठ ११ गते फर्कनेक्रममा उक्त हिमालको ८ हजार २ सय मिटरबाट निज जाहारिस बेपत्ता भएको बताइएको छ । पैदल तथा हेलिकप्टरद्धारा खोजी गर्दा पनि निजलाई फेला पार्न नसकिएको भनी गु्रप गाईडले जेठ २१ गते प्रहरीमा लिखित जानकारी गराएपछि प्रहरीले खोजी सुरु गरेको छ । यस सम्बन्धमा प्रहरीले आवश्यक अनुसन्धान समेत सुरु गरेको छ ।