नेपाल बन्दको रहर

२०४६ सालमा ठूलै आन्दोलन भएको थियो आज अर्थात् चैत २४ को दिन। चैत २६ गते वीरेन्द्रले बहुदलीय व्यवस्थाको पुनर्स्थापना गर्ने घोषणा गरेको भए पनि त्यही भएर केही दलले चैत २४ गतेलाई नै जनआन्दोलन दिवसका रुपमा मनाउने गर्छन्। त्यो दिन ठूलो भीड नारायणहिटीतिर सोझिएको थियो। घण्टाघरअगाडि गोली चलाउँदा कति जना शहीद भए, अत्तोपत्तो छैन।
चैत २४ लाई माओवादीले भूमिगत रहँदा सँधै ‘दिवस’का रुपमा मनाउँदै अक्सर नेपाल बन्द गर्ने गर्थ्यो। यस पटक माओवादी आफै सत्तामा छ। यस पटक त त्यसो नहोला कि भनेको, के खाएर नहुनु ! अर्को नेकपा (माओवादी) अर्थात् एकीकृत नेकपा माओवादीबाट विद्रोह गरेका नेता मातृका यादवले नेपाल बन्द ठोकिहाले।