स्याङ्जा जिप दुर्घटनामा चारजनाको मृत्यु

८ चैत्र, स्याङ्जा,  स्याङ्जाको केवरे भन्ज्याङ ४ मा ग १ ज ४६५९ नम्बरको जिप मंगलबार विहान दुर्घटना हुँदा ४ जनाको घटना स्थालमै मृत्यु भएको छ । दुर्घटनामा स्याङजा कुवाकोट ३ का ५५ वर्षीय तुल्सीराम उपाध्याय, कुवाकोट ५ का ५३ वर्षीय उदयबहादुर सिंजाली, कुवाकोट १ की १५ वर्षीया लक्ष्मी थापाको मृत्यु भएको हो । मृतक ६० वर्षीया बृद्धाको भने नाम नखुलेको प्रहरीले जनाएको छ ।
स्याङ्जाको बालिङबाट रत्नपुरका लागि छुटेको जिप केवरे भञ्जाङको बिरुवा भन्ने स्थानमा सडकबाट करिब डेढ सय मिटर तल खसेर दुर्घटना भएको हो । दुर्घटनामा घाइते १२ जनामध्ये ४ जनाको अवस्था गम्भीर छ । घाईतेहरुको वालिङ जिल्ला अस्पतालमा उपचार भैरहेको जानैएको छ   ।