सहपाठी हत्याको विरोधमा प्रदर्शन

बुढानिलकण्ठको सामुदायिक वनमा मृत अवश्थामा फेला परेकी युवती औशरा रेग्मीको हत्यारालाई कारवाहीको माग गर्दै काठमाडौंको नेपाल राष्ट्रिय उच्च मावि बालाजुका विद्यार्थीहरुले प्रदर्शन गरेका छन् । काठमाण्डौंको जितपुर गाविस वडा नम्बर ८ घर भई बालाजुस्थित मामाको घरमा डेरा गरिबस्ने औशरा सो कलेजमा कक्षा १२ मा अध्ययनरत थिइन । परिवार तथा आफन्तहरुले हत्यामा कञ्चनपुरको महेन्द्रनगर घर भई नेपाली सेनाको गोरखदल गणमा कार्यरत प्यूठ लालबहादुर कार्कीले हत्या गरेको जाहेरी दिएका छन् । औशराको शवलाई हिजो अपरान्ह सामुदायिक वनबाट पोष्टमार्टमका लागि त्रिभुवन विश्वविद्यालय शिक्षण अस्पतालमा राखिएको छ ।