युनिटिका संचालकलाई ठगीमा म्याद थप

युनिटीले नेटवर्किङको नाममा बंैक र सर्वसाधारणलाई झुक्याएको अभियोगमा प्रहरीले सोमबार पक्राउ गरेका दुई जनाविरुद्ध ठगी मुद्दा दर्ता गरेको छ । गृह मन्त्रालयले युनिटीका सञ्चालकहरूलाई पक्राउ गरेलगत्तै राजस्व अनुसन्धान विभागमा बुझाउन निर्देशन दिएको थियो । मन्त्रालयको निर्देशनअनुसार ललितपुर प्रहरी परिसरका अधिकारीहरूले पक्राउ गरिएका दुई जनालाई बुझाउन लैजाँदा विभागका अधिकारीहरूले बुझ्न नमानेर फर्काएका थिए । प्रहरीले विभागका अधिकारीहरूलाई तीन घन्टासम्म अभियुक्तहरूलाई बुझिदिन आग्रह गरेका थिए ।
राजस्वले नबुझेपछि प्रहरीले माथिल्लो निकायमा पुनः परामर्श गरी जिल्ला अदालतबाट ठगी मुद्दाका लागि म्याद लिएको छ । अदालतले पनि अभियुक्तहरूविरुद्ध अनुसन्धान गर्न पहिलो पटकका लागि भन्दै चार दिन मात्रै म्याद दिएको छ ।

ललितपुर प्रहरीले सोमबार युनिटी टावरबाट सञ्चालकहरूमध्येका दुई जना आर्थिक विभागका निर्देशक भीम गुरुङ र ट्राभल निर्देशक नेत्र राजवंशीलाई पक्राउ गरेको थियो । ठूलो संख्यामा नेपाली कामदार रहेका मुलुकहरूमा समेत युनिटीले रकम संकलन गरिरहेको छ । कतार, यूएई, मलेसियालगायत देशमा समेत पुगेर सदस्य बनाई रकम लिए पनि त्यो रकम के गरेको छ भन्ने कुरा अनुसन्धानको अर्को विषय भएको सम्बद्ध अधिकृत बताउँछन् । युनिटीका सञ्चालकले नेपालीमात्र नभई विदेशीलाई समेत सदस्य बनाएको बताउँदै आएका छन् । नेपाल र बिदेशमा गरी करीब ६ लाख ५० हजार सदस्य बनाएको छं । त्यसले ५ अरबा रूपया ठगी गरेको देखिएको छं ।