१५ औँपटकको प्रधानमंत्री को निर्वाचन आज

काठमाडौँ, कात्तिक ११ गते, प्रधानमन्त्री पदका लागि भएको पटक पटक को निर्वाचन बिफल हुदा पनि आज  १४ औँ पटक निर्वाचन हुने भएको छं . आज सम्म पनि  राजनीतिक दलहरूले निर्वाचनलाई परिणाममुखी बनाउन बिहीबार कुनै पहल गरेनन् । फलस्वरूप १४औँ पटक हुने निर्वाचन पनि नयाँ प्रधानमन्त्री चयन गर्न असफल हुने प्रायः निश्चिन भएको छ । दलहरूका आ आफ्नै नै अडानका कारण सहमति कायम हुन नसक्दा मुलुकले यति धेरै समस्या परेको हो  ।

प्रधानमन्त्री माधवकुमार नेपालले असार १६ गते राजीनामा दिएपछि व्यवस्थापिका संसद्मा १३ पटक प्रधानमन्त्री छान्ने निर्वाचन भइसकेको छ । एनेकपा -माओवादी)का नेता नारायणकाजी श्रेष्ठले नेपाली काङ्ग्रेसका प्रधानमन्त्रीका एक्ला उम्मेदवार रामचन्द्र पौडेलले उम्मेदवारी फिर्ता नलिएसम्म निर्वाचनको शृङ्खला जारी नै रहने बताउनुभयो । "सहमतिका निम्ति एमाओवादी तयार छ तर उहाँले उम्मेदवारी फिर्ता लिनुपर्छ", उहाँले भन्नुभो । नेता श्रेष्ठले बिहीबार सहमतिका लागि कुनै पनि औपचारिक पहल नगरिएको जानकारी दिनुभयो । "सबै आ-आˆनै अडानमा छन्, के पहल गर्ने ?", उहाँको भनाइ थियो । नेपाली काङ्ग्रेसका नेता अर्जुननरसिंह केसीले शान्ति र संविधानको सुनिश्चितता नभएसम्म काङ्ग्रेसको उम्मेदवारी कायमै रहने बताउनुभयो । उहाँले भन्नुभयो, "जहिले पनि छलछामको राजनीति, सहमति गर्ने कार्यान्वयन नगर्ने । यो प्रवृत्तिका विरुद्ध पौडेलजीको उम्मेदवारी हो । नेता केसीले प्याकेजमा सहमति गर्नुपर्ने आवश्यकतामा जोड दिनुभयो । उहाँले पनि बिहीबार सहमतिका लागि कुनै प्रयास नभएको स्वीकार्नुभयो ।

१५औँ पटकको निर्वाचनका लागि कार्यव्यवस्था परामर्श समितिको शुक्रबार बस्ने बैठकले मिति तय गर्नेछ ।